UN MARTES POLA TARDE.... DE EXPOSICIÓN

O pasado martes fomos a ver a exposición de Luís Seone no edificio da Caixa Galicia nos Cantóns.

Foi unha boa visita, xa que se fixo un martes pola tarde que, a verdade non hai ganas de nada. 
Recibiunos un rapaz novo que  se explicába moi ben e fixo que a visita non fose moi pesada, pois como xa el dixo, era moi densa, pois tiña moita información.  Ao meu parecer, eran salas moi pequenas para un contido tan amplo.

Era unha exposición moi interesante, falaba da súa vida, das súas pinturas e do que fixo polo pobo galego. 


Por certo, felicitounos por todo o que sabíamos deste artista e das épocas nas que viviu. 


 Para coñecer mellor a Luis Seoane, preme na imaxe

mira que contentiños!

Gustáronme moito os chaveiros e figuriñas feitos de pan sen levadura, 

típicos de San Andrés de Teixido. Estivo todo moi ben en xeral. 
Logo investigamos sobre elas: 

"A San Andrés de Teixido, vai de morto quen non foi de vivo".

É tradición facer a romería en vida levando unha pedra que se deposita nun dos milladoiros da zona. Hai que beber da "Fonte dos Tres Caños", pedir a San Andrés un desexo e botar na agua un pequeno trozo de pan, que se non se funde, atrae a
boa fortuna á nosa vida.


O pan de San Andrés.


Coa miga do pan fanse "sanandresiños", figuras representativas da romería. Inicialmente había tres figuras: un home, unha muller e unha pomba. Actualmente son cinco:
A man: pide polo amor, polas boas compañías e pola amizade.
O peixe: polo traballo e o sustento
A barca: para a casa, as viaxes e os negocios.
O santo: pola saúde física e mental e a boa convivencia.
O pensamento: polos estudos, polas probas e polo bo sentido.

É de gran eficacia contra envidias e maleficios.